Í haust verður Gummi fertugur. Stefnt er að því að halda upp á það og þá jafnvel innflutningspartý í leiðinni. Þegar Gummi varð þrítugur þá var sent út boðskort og óskalisti vegna gjafa. Það kom nokkuð í bakið á honum, reyndar á mjög skemmtilegan máta, og verður því vandað meira til í þetta skiptið.
Gumma langar í svona tæki. ( fréttst hefur af því í kassa frá USA)
Gumma langar í svona úr
Síðan vill hann fá fánastöng í garðinn, þá
er hann ekki að tala um kransakökuskreytingafána heldur alvöru 6-8 metra stöng
með öllu, hann ætlar að vera búinn að setja niður festingu við húsið fyrir
afmælið.
Þá er það keðjusög til að saga eldivið í
arininn. Reyndar segir Elín að hann hafi ekkert með hana að gera.
Eldiviðurinn verði líklega bara keyptur í Rúmfatalagernum.
Gummi drekkur ekki Viskí þannig að það hefur
ekkert upp á sig að gefa honum slíkt, það væri þá aðeins Elín sem myndi nýta það,
það væri nær að gefa honum dökkt Romm.
Gumma langar að koma sér upp rauðvínssafni
en hefur ekki fengið frið til þess hingað til. Ef
komið verður með rauðvín verður það að vera merkt hvort það sé afmælisgjöf eða
innflutningsgjöf
Gumma vantar nú alltaf eitthvað í
bílskúrinn, svo sem loftpressu og háþrýstidælu, topplyklasett, skífumál,
slaghamar.
umma vantar svo þrífót, alvöru flass
og aðdráttarlinsu fyrir Canon G2 myndavélina.
Gumma langar líka í tónlistar DVD diska,
t.d. U2, Queen, Todmobile og Síðan skein sól með Synfoníunni, Coldplay.
Að sjálfsögðu langar Gumma aftur í gamlan Land Rover, stuttan.
Fjölskyldan gæti alveg hugsað sér pizzapönnu, ísgerðarvél, poppkornsvél,
vatnskæli
Fjölskylduna langar í jólatrésgræðlinga til að setja niður í sumarbústaðalandinu
í Galtalæk.
Hér fyrir neðan er svo hægt að setja sig á gestalistann ef þú/þið ætlið að koma í fertugsafmæli og innflutningshóf á Hjallabrautina í byrjun september, líklega laugardaginn 3. sept. Þegar þið eruð búin að skrá ykkur á gestalistann fáið þið aðgang að honum sendan með tölvupósti. Það verður engum sérstaklega boðið, það væri gott að fá að vita hverjir koma svo Elín geti séð hvað þarf að baka mikið af pönnukökum.